novedaes
12-10-2010: Los Certificaos d'Asistencia puen recoyese dende'l llunes día 18 d'ochobre en despachu del prof. Ramón d'Andrés (Facultá de Filoloxía, Campus del Milán, Uviéu), de 12:00 a 13:00 hores.
semeyes
streaming
Les conferencies de los profesores Hans Goebl, Gonzalo Nieto Feliner, José Ramón Morala Rodríguez, José Enrique Gargallo Gil y Pilar García Mouton puen atopase en vídeo na web de la Mediateca de la Universidá d'Uviéu
presentación
El grupu d'investigación Seminariu de Filoloxía Asturiana de la Universidá d'Uviéu entama un Congresu que, baxo'l títulu xenéricu «Ciencia, llingua y fronteres», va celebrase los díes 5 y 6 d'ochobre del 2010 na Facultá de Filoloxía de la capital asturiana.
La Llingüística ye una ciencia que, de siempre, tien enfrentáose al problema de clasificar y tipificar la diversidá llingüística mundial, la realidá multiforme del llinguaxe como atributu biolóxicu de la especie humana. Nesti llabor de reconocer les unidaes d'estudiu (los tipos, dominios o llingües), va implícito reconocer y midir les fronteres ente tales unidaes, lo que pon a la Llingüística ante problemes específicos de taxonomía y categorización que tovía nun tán resueltos dafechu. ¿Tien sentíu'l conceptu de llingua (o dialectu)? Si tien sentíu, ¿de qué naturaleza son los criterios manexaos? ¿Cómo se conciben les fronteres ente llingües (o ente dialectos)?
Nesti debate van participar especialistes asturianos, españoles y europeos en Llingüística Xeneral, en Romanística, en Dialectoloxía Hispánica, Gallego-Portuguesa y Asturlleonesa. Pero desque'l debate trespasa les llendes de la propia Llingüística, tamién se sentirán les argumentaciones d'especialistes en Filosofía del Llinguaxe, Antropoloxía o Bioloxía, disciplines que comparten delles de les esmoliciones alredor del conceptu de tipu y frontera.
inscripción
La inscripción fadráse col ingresu de 10,00€ na cuenta de Cajastur númb. 2048-0124-93-3404001127, conseñando «Congresu Ciencia, Llingua y Fronteres». Día posteru de la inscripción: 4 d'ochobre.
Les persones inscrites recibirán un certificáu d'asistencia.
descargar programa (pdf)
