El proyectu «Dictadoloxía Tópica d’Asturies» (DTA), dirixíu por Luis Casteleiro Oliveros y Ramón d’Andrés Díaz, tien como oxetivu recoyer y ofrecer de xeitu organizáu los «dictaos tópicos» d’Asturies, esto ye, los xentilicios, nomatos, cantares y refranes referíos a los topónimos y habitantes de los distintos llugares y pueblos d’Asturies.

Esti proyectu DTA inclúi los datos recoyíos pal proyectu previu «Asturies nel Diccionario Geográfico Popular de España de Camilo José Cela» (DGPE-Astur), desendolcáu pola Universidá d’Uviéu (Seminariu de Filoloxía Asturiana) en conveniu cola Fundación Pública Gallega «Camilo José Cela» ente 2012 y 2015.

La base de datos del proyectu DTA nútrese con datos recoyíos de diversos fontes d’investigación (ver apartáu «Fontes»).

La busca de materiales pue facese a partir del sitiu au se recoyeron los datos (Llugar de recoyida), del sitiu al que se fai referencia na ficha (Llugar de referencia) o de la información testual qu’apaez na ficha (Forma). Amás pue filtrase la información por tipos.

Mostrando de busca

  LLUGAR DE REFERENCIA LLUGAR DE RECOYIDA
Id Forma Tipu d’entrada Fonte Provincia Conceyu Parroquia Llugar Provincia Conceyu Parroquia Llugar

Fontes

Contacta con nós

El proyectu «Dictadoloxía Tópica d’Asturies» (DTA) y el más específicu «Asturies nel Diccionario Geográfico Popular de España de Camilo José Cela» (DGPE-Astur) desenvuélvelos el grupu d’investigación Seminariu de Filoloxía Asturiana (SFA).

Ye posible contactar con nós pente medies d’esti formulariu o de la dirección de corréu electrónicu dgpe-astur@uniovi.es.

Más información sobre’l proyectu

Si-y peta, pue descargar un cartafueyu informativu del proyectu DGPE-Astur calcando nel botón d’abaxo.