Nel deceniu de los años 60, l’escritor Camilo José Cela concibió’l proyectu d’un Diccionario geográfico popular de España (DGPE), onde atroparía los «dictados tópicos», quier dicise, los xentilicios, nomatos, cantares y refranes referíos a los topónimos y habitantes de los distintos llugares y pueblos d’España.

Cuntaba fornir la so obra con dos menes de materiales:
(a) datos yá espublizaos n’otres obres; y
(b) datos llograos en trabayu de campu.

Al envís de lo segundo, a comienzos de los años 70 solicitó la collaboración del serviciu nacional de Correos: a los carteros de toa España pidióse-yos que fixeren d’encuestadores, recoyendo datos de les distintes poblaciones y llugares onde exercíen la so actividá, acordies con un modelu de ficha común. Axuntáronse asina unes 30.000 fiches referíes a toa España. La mayor parte d’estos materiales quedaron inéditos; ente ellos, los referíos a Asturies, que se conserven na Fundación Pública Gallega «Camilo José Cela», n’Iria Flavia (provincia d’A Coruña). Estos materiales son los qu’agora ven la lluz nesta base datos pública.

En xunetu del 2012 la Fundación Pública Gallega «Camilo José Cela» y la Universidá d’Uviéu, al traviés del grupu d’investigación «Seminariu de Filoloxía Asturiana», firmaron un conveniu que tien como oxetivu la dixitalización, catalogación y publicación online de los materiales inéditos del DGPE referíos a Asturies. Los trabayos, dirixíos por Luis Casteleiro Oliveros y Ramón d’Andrés Díaz, remátense en xineru del 2015 cola apertura d’esti portal d’accesu y consulta llibre.

La busca de materiales pue facese a partir del sitiu au se recoyeron los datos (Llugar de recoyida), del sitiu al que se fai referencia na ficha (Llugar de referencia) o de la información testual qu’apaez na ficha (Forma). Amás pue filtrase la información por tipos.

Mostrando de busca

  LLUGAR DE REFERENCIA LLUGAR DE RECOYIDA
Id Forma Tipu d’entrada Fonte Provincia Conceyu Parroquia Llugar Provincia Conceyu Parroquia Llugar

Referencies de C. J. Cela pal futuru DGPE

  • Cela, Camilo José (1972): «Dictados tópicos leoneses (La Cabrera, Babia y Laciana)», en Studia hispanica in honorem R. Lapesa, III, Madrid: Gredos, pp. 123-146.
  • Cela, Camilo José (1974): «Dictados tópicos gaditanos», en VV. AA.: En torno a Pemán, Cádiz: Diputación Provincial de Cádiz, pp. 209-218.
  • Cela, Camilo José (1975): «Media gruesa de dictados tópicos del Campo Arañuelo cacereño», en VV. AA.: Homenaje a la memoria de Don Antonio Rodríguez-Moñino: 1910-1970, Madrid: Castalia, pp. 205-222.
  • Cela, Camilo José (1978): «Sobre dictados y sus formas», en Alonso, Dámaso (ed.): Libro homenaje a Antonio Pérez Gómez, vol. I, Cieza: La Fonte que Mana y Corre, pp. 193-209.

Primer tomu del DGPE

  • Cela, Camilo José (1998): Diccionario geográfico popular de España. I. Introducción a la dictadología tópica, Madrid: Noesis.

Trabayos referíos a los materiales gallegos del DGPE

Enllaces

Contacta con nós

El proyectu «Asturies nel Diccionario Geográfico Popular de España de Camilo José Cela» (DGPE-Astur) y el más xeneral Dictadoloxía Tópica d’Asturies (DTE) desenvuélvelos el grupu d’investigación Seminariu de Filoloxía Asturiana (SFA).

Ye posible contactar con nós pente medies d’esti formulariu o de la dirección de corréu electrónicu dgpe-astur@uniovi.es.

Más información sobre’l proyectu

Si-y peta, pue descargar un cartafueyu informativu del proyectu DGPE-Astur calcando nel botón d’abaxo.