Autores
Carmen Muñiz Cachón (dir.), Mercedes Alvarellos Pedrero, Liliana Díaz Gómez, Ruth González Rodríguez y Llucía Menéndez Suárez.
Proyectu d’investigación Descripción y estudio de los modelos entonativos en las variedades lingüísticas de Asturias: el castellano de Asturias, financiáu pol Ministeriu de Ciencia y Innovación (MICINN). Ref.: FFI2008-03625/FILO.
Presentación
Dende 2004 el grupu d’investigación AMPER-Astur vien trabayando nel estudiu de la prosodia de las variedaes llingüístiques d’Asturies: l’asturianu, el gallego-asturianu y el castellanu. Ente los oxetivos inmediatos del nuestru proyectu tán les descripciones llingüística y sociolingüística sobre les que basar una reflexón teórica alredor del acentu, la entonación y la so función na fonética y na fonoloxía, lo mesmo que de les metodoloxíes d’análisis.
Esti estudiu inxértase nun proyectu internacional destináu a la creación d’un Atlas Multimedia Prosódicu del Espaciu Románicu (AMPER) impulsáu en 2001 por Michel Contini dende la Université Stendhal de Grenoble y cuya coordinación asume actualmente xunto con Antonio Romano de la Università de Torino. La finalidá d’esti proyectu xeollingüísticu ye la descripción de los rasgos prosódicos —acentu y entonación— de los dominios llingüísticos rumanu, galorrománicu, italorománicu, español, catalán, asturianu, gallegu y portugués repartíos por dalgunos países europeos (Portugal, España, Francia Italia y Rumanía) y de Llatinoamérica (Costa Rica, Cuba, Venezuela, Bolivia, Arxentina, Chile y Brasil). Anguaño intégrense n’AMPER investigadores de 30 universidaes europees y americanes.
